FredagsForfattar med Dagfred Berstad

Fredag 1. februar starta vi opp det fjerde året med FredagsForfattar. Og det var Dagfred Berstad frå Ervik på Stadlandet som var dagens forfattar. Han tok oss med på ei spennande reise attende til vikingtida og historia om Ragnvald Raud. Han var også innom kyrkjesoga i Selje, krigshistorie og mykje meir.

Det vart ein god prat rundt bordet om tema og historie som bind nye Stad kommune saman. Både vikinghistoria og kyrkjehistoria gjer det. Visste du t.d. at Nordfjordfæringen var båttypen som lokalbefolkninga i Ervik nytta då dei berga mange av passasjerane frå forliset til hurtigruta St. Svitun under 2. verskrigen? Det vart ein spennande ettermiddag for dei frammøtte på Kringla Eid Frivilligsentral på fredag.

Eid Folkeakademi arrangerer FredagsForfattar saman med Eid Frivilligsentral. Det er utrulig kor mange i Nordfjordregionen som vågar å skrive og publisere det dei skriv. Vi har klart å fylle 3 sesongar med forfattarar, og er no godt i gang med den fjerde. Vi er heilt imponert. Det er like spennande kvar gong vi får forfattarbesøk.

Tusen takk til alle som tipsar oss om forfattar. Veit du om nokon, så tips oss på post@eid.frivilligsentral.no . Takk også til Aud som stilte med kjempegod kake til arrangementet.  Neste forfattar ut fredag 1. mars er Magnus Helge Torvanger, som i 2018 ga ut boka "Der havbåra bryt. Fiskerisoge frå Bremanger". Vel møtt!

2020 © Eid frivilligsentral