-
Hurraaaa - Endelig er Eid Frivilligsentral på Instagram
Bedre seint enn aldri! No kan du følgje Eid Frivilligsentral både på Facebook og Instagram. Du finn lenkjer nedanfor. Følg oss gjerne - vi har mykje spennande på gang.
Frivillighetens dag 5.desember
Den 5.desember er det Frivillighetens dag – ei markering og ein stor takk til alle som gjer lokalsamfunnet levande!5.desember er ein nasjonal merkedag der vi skal hylle alle dei som gir av tida si, engasjementet sitt og hjartet sitt for at lokalsamfunnet vårt skal vere ein god plass å bu. Frivilligheita ber oss, løfter oss og bind oss saman – kvar einaste dag.
Takk til deg som stiller opp som trenar, stadven, styremedlem, besøksven, vaffelsteikar, kulturberar, natteramn, sjåfør, aktivitetsleiar – og alt imellom. Takk til alle små og store innsatsar som kanskje ikkje alltid blir lagt merke til, men som betyr meir enn vi anar.
Den 5.desember vil vi utfordre alle til å stoppe opp og kjenne etter:
Kva betyr frivillighet for deg? Kven har gjort ein forskjell i livet ditt?
Bruk gjerne anledninga til å:
-Legge ut eit innlegg eller ei historie på Facebook
-Sende ei melding til ei ildsjel som har hatt innverknad på deg
- Ta kontakt med eit lag eller ei foreining du ønskjer å støtte eller bli med i
-snakke med barna dine / elevane dine om frivilligheit
Saman kan vi vise kor mykje frivillig innsats betyr – både for fellesskapet og for den enkelte.
Til alle frivillige lag og organisasjonar:
Skal de markere Frivillighetens dag eller arrangere noko? Legg gjerne arrangementet ut på stad.foreningsportal.no , slik at fleire får det med seg og kan vere med!
💚 Tusen takk til alle som bidreg – de er ryggrada i lokalsamfunnet vårt!
På bilde frå venstre: Ole Reinhardt Bugjerde, Unge frivillige / Innsats for andre elevane: Malin Rundereim , Jewel Doorenspleet og Oliver Olsen Fure
Tatt på Frivilligkvelden på Bryggja tidligere i år.
Del på:
Flere nyheter
-
Vil du vere frivillig på opplæring og integrering sin julefest i Valhall 29.12.2025?
Opplæring og integrering skal i år arrangere julefest i Valhall måndag 29.12. frå klokka 15.00-18.00 . Dei ønskjer seg frivillige som kan vere ilag med dei denne dagen, gjerne frå klokka 14.00/14.30.
-
Nye Eid Frivilligsentral og Stad bibliotek - hovudbiblioteket tek enno meir form. Oppdatering flyttesjau del 3
Vi lova eigentleg ei oppdatering i veke 46, men det er enno betre med ei veke 47 oppdatering. Biblioteket er ferdige med stengeperioden sin (veke 45 og 46), og er no i god drift att. Det er snekra og mala og meir skal det bli. Aktivitetsrommet til Eid Frivilligsentral har "husa" sit første offisielle møte i regi av ein frivillig organisasjon.
-
Nye Eid Frivilligsentral og Stad bibliotek - hovudbiblioteket tek form. Oppdatering flyttesjau del 2
Vi er komne til veke 44. Dei to siste vekene har det skjedd utrulig mykje i biblioteklokala i Sophus Lie vegen 3. Mange bøker er kassert, hyllene er flytta saman på fremste delen av lokala. Denne veka er biblioteket stengt tysdag 28/10 og held elles ope til vanlege tider. Mange veggar har allereie skifta farge. Aktivitetsrommet til Eid Frivilligsentral og den nye lesesalen var dei to første romma som vart måla ferdig.
-
Flytting av Eid Frivilligsentral - statusoppdatering
Frå 01.01.2026 vil Eid Frivilligsentral og alle dei aktivitetane som tidlegare har vore på Kringla og Møteplassen i Eidsgata 9 verte å finne saman med Stad Bibliotek i Sophus Lie - vegen 3 (Operahuset Nordfjord). Allereie no har Eid Frivilligsentral fast kontordag der tysdag og torsdag, og du er hjerteleg velkomen innom både der og i Eidsgata 9 dei andre vekedagane. I denne nyhendesaka kan du følgje arenautviklingsprosjektet og ommøbleringa i biblioteket steg for steg framover til eit spennande formidlings og aktivitetslokale med stort potensiale!