-
Vil du vere frivillig på opplæring og integrering sin julefest i Valhall 29.12.2025?
Opplæring og integrering skal i år arrangere julefest i Valhall måndag 29.12. frå klokka 15.00-18.00 . Dei ønskjer seg frivillige som kan vere ilag med dei denne dagen, gjerne frå klokka 14.00/14.30.
Nye Eid Frivilligsentral og Stad bibliotek - hovudbiblioteket tek enno meir form. Oppdatering flyttesjau del 3
Vi lova eigentleg ei oppdatering i veke 46, men det er enno betre med ei veke 47 oppdatering. Biblioteket er ferdige med stengeperioden sin (veke 45 og 46), og er no i god drift att. Det er snekra og mala og meir skal det bli. Aktivitetsrommet til Eid Frivilligsentral har "husa" sit første offisielle møte i regi av ein frivillig organisasjon.Biblioteket er framleis ikkje heilt ferdig, men no ser du virkelig kor flott dette kjem til å bli. Golva er no ferdig oppussa og skal halde i minst 10 år. Veggane i biblioteklokalet er ferdig måla. Hyllene er plasserte på nye måtar, som gjer lokalet mykje opnare. Det kan kome krimkrok, lokalboksamling m.m. rett utanfor kontora. Nokre bøker har framleis ikkje funne si nye hylle enno. Biblioteksjef Janne Mari seier at no er A-J på plass og resten er det berre å spørje etter, så kan du få låne dei også.
I tillegg er barne og ungdomslitteraturen på plass. Barnebøkene har fått ei flott ramme rundt seg og det nye barnerommet har fått eit fantastisk fint amfi.
Den gamle skranken er vekk. Ny skranke er førebels eit skrivebord, men rigga fint til. Bak skranken er det bygd ein flott vegg som avgrensar skrankeområdet.
Tysdag i veke 46 var det bygdeboknemnda til Eid Sogelag som var første frivillige gruppe som hadde møte i aktivitetsrommet. "Frivilligsentralpaparazzien" var sjølvsagt på plass og dokumenterte hendiga. Aktivitetsrommet er på ingen måte ferdig møblert. Teleslynge og skjermar er ikkje komne på plass enno. I tillegg kjem det andre og meir fleksible møblar i rommet. Det her blir såååååå fint. Berre vent å sjå!
Her er bilete frå veke 46 då bøkene framleis var på veg inn i hyllene og hyllene stod litt hulter til bulter. Veggane hadde fått nye fargar og golvet var så nyoppussa at ein god del hyller enno stod på papir. På barnerommet var amfi under bygging og bak skranken låg skjelettet til ein ny vegg.
Så er vi komne til veke 47. Den nydelige veggen bak ny skranke er komen opp. Biblioteket er i full drift, sjølv om der framleis er bøker og hyller som skal på plass. Barneavdelinga ser fantastisk ut og på barnerommet er amfiet heilt ferdig.
Del på:
Flere nyheter
-
Frivillighetens dag 5.desember
Den 5.desember er det Frivillighetens dag – ei markering og ein stor takk til alle som gjer lokalsamfunnet levande!
-
Treng du hjelp frå prosjekt Juleglede i Stad 2025?
Mange kommunale tenester i Stad registrerer no behov for matkasse, julegledegåvekort (til born under 18 år) og ønskjetregåver (til born under 19 år). Men dersom ingen har spurt din husstand om de treng noko av dette, så kan du fylle ut skjema nedanfor så kan vi hjelpe. Vi kan hjelpe i alle deler av Stad kommune. Dette kan vi bidra med:
-
Nye Eid Frivilligsentral og Stad bibliotek - hovudbiblioteket tek form. Oppdatering flyttesjau del 2
Vi er komne til veke 44. Dei to siste vekene har det skjedd utrulig mykje i biblioteklokala i Sophus Lie vegen 3. Mange bøker er kassert, hyllene er flytta saman på fremste delen av lokala. Denne veka er biblioteket stengt tysdag 28/10 og held elles ope til vanlege tider. Mange veggar har allereie skifta farge. Aktivitetsrommet til Eid Frivilligsentral og den nye lesesalen var dei to første romma som vart måla ferdig.
-
Flytting av Eid Frivilligsentral - statusoppdatering
Frå 01.01.2026 vil Eid Frivilligsentral og alle dei aktivitetane som tidlegare har vore på Kringla og Møteplassen i Eidsgata 9 verte å finne saman med Stad Bibliotek i Sophus Lie - vegen 3 (Operahuset Nordfjord). Allereie no har Eid Frivilligsentral fast kontordag der tysdag og torsdag, og du er hjerteleg velkomen innom både der og i Eidsgata 9 dei andre vekedagane. I denne nyhendesaka kan du følgje arenautviklingsprosjektet og ommøbleringa i biblioteket steg for steg framover til eit spennande formidlings og aktivitetslokale med stort potensiale!