-
💚 Folkehelseundersøkinga 2026 💚
💛 16. april 2026 blir eit utval av innbyggjarane i Vestland over 18 år inviterte til å delta i folkehelseundersøkinga. 📲 Undersøkinga er nettbasert og dei som er plukka ut, får invitasjon på SMS eller e-post. ⁉️Treng du digital rettleiing for å kunne svare på undersøkninga? Både biblioteket og Eid Frivilligsentral står klare til å hjelpe deg! 😀 Vi kan ikkje hjelpe deg med svara, men hos oss kan du låne ein pc eller få rettleiing om korleis du loggar deg inn på Helse Norge.
Nye Eid Frivilligsentral og Stad bibliotek - hovudbiblioteket tek form. Oppdatering flyttesjau del 2
Vi er komne til veke 44. Dei to siste vekene har det skjedd utrulig mykje i biblioteklokala i Sophus Lie vegen 3. Mange bøker er kassert, hyllene er flytta saman på fremste delen av lokala. Denne veka er biblioteket stengt tysdag 28/10 og held elles ope til vanlege tider. Mange veggar har allereie skifta farge. Aktivitetsrommet til Eid Frivilligsentral og den nye lesesalen var dei to første romma som vart måla ferdig.Tysdag 21. oktober (veke 43) var 28 Sterk og stødig trimmarar + 3 instruktørar oppe i aktivitetslokala og testa ut korleis det vil vere å ha trim der. Dette var kjempenyttig slik at vi kan sjå kva som må justerast på og ordnast for at dei viktige trimgruppene våre skal få gode vilkår også etter flyttinga frå Eidsgata 9.
Av fleire spennande ting som har skjedd desse vekene kan vi nemne at dørene inn mot nytt toalett er teke vekk. Ny vegg er komen opp inn til lager. Det er mursaga ny dør til toalettet og oppussing av golvet er så vidt igang. Det som skal bli barnerommet er også måla i fine fargar
No i veke 44 får veggane i bakerste delen av lokala nye fargar og golvet i same delen vert pussa opp slik at dei kan tåle hard bruk i minst 10 år til. I veke 45 skal det same gjerast i fremste delen av lokala. Då vert biblioteket heilt stengt frå laurdag 1. november til onsdag 12. november.
I Eidsgata 9 er det framleis lite som minner om flyttesjau. Det er blitt litt tommare på lageret. Astrid sitt kontor er litt meir kaotisk, og på møterommet har LO og Fagforbundet drive med storstilt rydding av sine skåp. Elles går alle aktivitetane som vanlig.
Ny oppdatering om flyttesjauen kjem i veke 46. Medan du ventar kan du kose deg med dette kjekke biletegalleriet frå oppussinga.
Del på:
Flere nyheter
-
Hurraaaa - Endelig er Eid Frivilligsentral på Instagram
Bedre seint enn aldri! No kan du følgje Eid Frivilligsentral både på Facebook og Instagram. Du finn lenkjer nedanfor. Følg oss gjerne - vi har mykje spennande på gang.
-
Vil du vere frivillig på opplæring og integrering sin julefest i Valhall 29.12.2025?
Opplæring og integrering skal i år arrangere julefest i Valhall måndag 29.12. frå klokka 15.00-18.00 . Dei ønskjer seg frivillige som kan vere ilag med dei denne dagen, gjerne frå klokka 14.00/14.30.
-
Frivillighetens dag 5.desember
Den 5.desember er det Frivillighetens dag – ei markering og ein stor takk til alle som gjer lokalsamfunnet levande!
-
Nye Eid Frivilligsentral og Stad bibliotek - hovudbiblioteket tek enno meir form. Oppdatering flyttesjau del 3
Vi lova eigentleg ei oppdatering i veke 46, men det er enno betre med ei veke 47 oppdatering. Biblioteket er ferdige med stengeperioden sin (veke 45 og 46), og er no i god drift att. Det er snekra og mala og meir skal det bli. Aktivitetsrommet til Eid Frivilligsentral har "husa" sit første offisielle møte i regi av ein frivillig organisasjon.