-
Nytt og nyttig for frivillige i Stad - Nyhendebrev nr. 4/2025
Nyhendebrev nr. 4/2025 - Nytt og nyttig for frivillige i Stad er sendt ut til lag og organisasjonar i Stad 09.10. Gjennom Stad Foreningsportal.
Flytting av Eid Frivilligsentral - statusoppdatering
Frå 01.01.2026 vil Eid Frivilligsentral og alle dei aktivitetane som tidlegare har vore på Kringla og Møteplassen i Eidsgata 9 verte å finne saman med Stad Bibliotek i Sophus Lie - vegen 3 (Operahuset Nordfjord). Allereie no har Eid Frivilligsentral fast kontordag der tysdag og torsdag, og du er hjerteleg velkomen innom både der og i Eidsgata 9 dei andre vekedagane. I denne nyhendesaka kan du følgje arenautviklingsprosjektet og ommøbleringa i biblioteket steg for steg framover til eit spennande formidlings og aktivitetslokale med stort potensiale!Dette skjer i prosjektet dei nærmaste vekene (sjølvsagt med atterhald om uventa endringar som vi ikkje hadde teke høgde for):
Veke 42
Onsdag til fredag - Nye lesesalen og Frivilligsentralen sitt aktivitetsrom vert mala.
Veke 43
Snikkararbeid: Det skal settast opp ein lettvegg bak toalettdør, og lagast ny dør til toalett.
Prøveaktivitet i det nye aktivitetsrommet: Sterk og stødig trimmen sine 2 tysdagsgrupper prøver ut det nye aktivitetsrommet.
Planlagt i veke 44 og 45
Golvarbeid: I denne perioden skal vi behandle golvet, og enkelde dagar vil biblioteket vere stengt fordi ein ikkje kan gå på golvet under behandlinga. Dette vil bli annonsert på nettsider, i sosiale media og på plakatar i biblioteket og i Eidsgata 9.
Vidare framdriftsplan blir lagt etterkvart som arbeidet går vidare.
Målet er at stengeperiodane til biblioteket skal bli kortast mogleg. Biblioteket jobbar med ein plan om korleis ein kan ha eit "mini-bibliotek" tilgjengeleg i foajeen dei periodane ein må halde heilt stengt.
Alle aktivitetar som no held til i Eidsgata 9, held fram der ut 2025. Går alt slik vi har planlagt, startar alle opp att aktiviteten i nye lokaler anten i veke 2 eller 3.
Følg med - følg med! Vi skal halde deg oppdatert på det som skjer.
Del på:
Flere nyheter
-
Det er liv og røre på Eid Frivilligsentral frå føremiddag til kveld - Dette skjer i veke 41
Kvar dag utanom søndag vil det vere aktivitet på Kringla - Eid Frivilligsentral og Møteplassen her i Eidsgata 9. Vi minner om at flytting av aktivitetar til biblioteket i Operahuset Nordfjord ikkje skjer før i 2026. Velkomne til å bli med på superkjekke aktivitetar. I tillegg til dei vi omtaler her, så har frivillige lag og organisasjonar mange kjekke aktivitetar rundt om i heile kommunen.
-
Lær deg å bruke Stad Foreningsportal og Tilskuddsportalen - book eit minikurs når det passar for deg!
Dette er eit tilbod til alle frivillige organisasjonar som føler dei treng litt hjelpe til å kome igang med å marknadsføre seg på Stad Foreningsportal og/eller treng hjelp til å bruke Tilskuddsportalen. Ta kontakt med Eid Frivilligsentral og book eit lite minikurs i foreningsportal/tilskuddsportal. Vi avtaler tid og stad som passar deg. Det er sjølvsagt heilt gratis. Kontakt Frivilligsentralen på tlf. 41460042, eller på epost: post@eid.frivilligsentral.no .
-
Spelemidlar 2026 - Søknadsfrist 15.oktober 2025
No nermar det seg søknadsfristen for spelemidlar til anlegg for idrett og fysisk aktivitet. Fristen er 15. oktober! Vi håpar ditt lag planlegg å søkje. Les meir om ordninga på lenkja nedanfor!
-
SeniorQuiz