-
Møt vår nye medarbeider i sommar
Vi har lyst til å presentere Ruaa Krizan som skal arbeide her på Eid Frivilligsentral i sommar. Ho skal vere arbeidsleiar for sommarhjelpene våre som skal arrangere Sommarmøteplass for born og unge og drifte sommarBUA her i Eidsgata 9.
Dette skjer på Eid Frivilligsentral i veke 13 (påskeveka)
Kvar veke prøver vi å lage ein liten oversikt over kva som rører seg på Eid Frivilligsentral. Veke 13 vert ei veldig stille veke sidan det er mange fridagar. Denne oversikten gjeld også palmehelga(som eigentleg er veke 12) og 2. påskedag 1/4 (veke 14).Laurdag (palmelaurdag) 23.03.2024
kl. 11.00 - 14.00 Laurdagskafè (Kringla) arr. Eid Røde Kors omsorg
Tysdag 26.03.2024
kl. 11.00 - 12.00 Sterk og stødig - trimgruppe (Møteplassen) arr. Eid Pensjonistlag
kl. 18.00 - 22.00 Møteplassen (Møteplassen) arr. Stad kommune - opplæring og integrering
Alle dei andre faste møteplassane her på huset tek påskeferie denne veka. Middagskøyrarane tek ikkje påskeferie. Dei er ute på to ruter kvar dag (ei rute laurdag). Det er ikkje folk på kontoret til Eid Frivilligsentral måndag, tysdag og onsdag, men Astrid er tilgjengeleg på telefon, epost og sms desse tre dagane.
God påske til alle!
Del på:
Flere nyheter
-
Bli med på Fjordane Friluftsråd sin Friluftsskule i sommar
Fjordane Friluftsråd arrangerar Friluftsskulen som er eit aktivitetsopplegg for born og unge i alderen 9-13 år. Vi har ein flott kystnatur, og Fjordane Friluftsråd vil inspirere til at born og unge kan få eit nært og godt forhold til naturen. Gjennom ulike aktiviteter, ferdsel og opplevingar ynskjer dei å gje born og unge ei forståing av naturen sin eigenart og tålegrenser.
-
FRIVILLIGKVELD 19. MARS 2025
Frivilligkveld er ein av to årlege møteplassar mellom frivilligheita og Stad kommune. Vi møtast for å snakke om viktige tema og skal finne ut korleis ein saman best kan legge til rette for frivilligheit i åra framover. Bryggja Grendahus kl.: 17:30 - 20:30. Vi møtest og inspirerer kvarandre! På frivilligkvelden 2025 skal vi m.a. skipe eit Frivilligråd for Stad og presentere Stad kommune sin frivilligpolitikk 2025-2028. Vi har infotorg der vi oppmodar alle om å ha med informasjon om det dykkar lag driv med. Vi ønskjer å få til "speed dating" der vi fortel kvarandre om kjekke aktivitetar/prosjekt.... og ikkje minst ete god mat frå Bakerie A/S på Bryggja.
-
Noko å glede seg til i sommar 2025
Vil de vere med å skape gode opplevingar for barn og ungdom i sommar? Då bør de finne ut meir om Gjensidigestiftelsen si sommarutlysing. Søknadskjema er tilgjengelig frå februar. Det vert søkjarwebinar 12. februar og søknadsfisten er 5. mars.
-
Takk til alle som kom på dugnad i Sansehagen 4. juli
Ein fantastisk gjeng på minst 14 stk. stilte på under dugnaden i Sansehagen på Hogatunet bu- og behandlingssenter torsdag 4. juli. Fleire organisasjonar hadde mobilisert medlemmer som hadde tid og lyst og vart med. Mellom dei var Stad Demensforening, Eid Røde Kors omsorg, Nordfjordeid sanitetsforening og Eid Pensjonistlag. Fleire organisasjonar har signalisert at dei vil vere med på dette samarbeidsprosjektet vidare. Tusen, tusen takk til alle som stilte på.