-
Støtt Julegledeprosjekta 2025!
Frivillige og Alti Nordfjord har i mange år samarbeidd om å skape juleglede for lavinntektshushaldningar i kvar ein krok av Stad kommune. Gjennom eit tett samarbeid med mange kommunale avdelingar, når vi ut til alle deler av kommunen både med matkasser, julegåver, gåvekort, og vi sikrar at born i lavinntektshushaldningar får minst ei gåve som dei ønskjer seg til jul. Vi treng mellom 170.000,- og 200.000,- for å få dette til å gå rundt økonomisk. Dersom mage gir litt så klarer vi dette - men vi treng hjelp!
Utlysing av Sommarhjelpjobbar 2022
Eid Frivilligsentral og Selje Frivilligsentral har vore så heldige å få tildelt kr. 300.000,- frå Gjensidigestiftelsen til å kunne tilsette Sommarhjelper også i 2022. Ei sommarhjelp er ein ungdom mellom 14 og 20 år med folkeregistrert adresse i Stad kommune. Sommahjelpene dette året skal fortrinnsvis skape sommarmøteplassar for andre born/unge. Sommarhjelpene får tariffløn frå Stad kommune. No lyser vi ut stillingane. Søknad skjer på elektronisk skjema. Søknadsfrist er fredag 10. juni.Vi tilbyr minst 20 ungdomar betalt sommarjobb i 1-3 veker i sommar. Arbeidstid 6 timar pr. dag hovudsakleg måndag til fredag.
Sommarhjelpene skal skape sommarmøteplassar for born/ungdom i BUA EId/Selje og på sosiale møtestader.
Sommarhjelpjobbar i helse- og omsorg og andre stader i Stad kommune kan også bli aktuelt. Her ventar vi på svar på nokre andre prosjektsøknader før vi veit sikkert om det blir.
Arbeidsstadar for sommarhjelpjobbane er Nordfjordeid og Selje.
Du som søkjer:
- er ein ungdom som er fødd mellom 2002 - 2008 (14-20 år) og har folkeregistrert adresse i Stad kommune.
- er ein ungdom som er pliktoppfyllande, kan følgje dei reglar og rutiner som er sett for jobben og møter presis.
- er ein ungdom som er kreativ, serviceinnstilt, likar å organisere aktivitetar og likar å bli kjend med og prate med nye folk.
- vil få god opplæring og oppfølging dersom du får tilbod om jobb.
- må lage ein CV når du søkjer.
Søknadsfrist er fredag 10. juni.
Du må bruke digitalt søknadskjema for å kunne søkje sommarhjelpjobb. Søknadskjema finn du her:
Digitalt søknadsskjema - Sommarhjelp 2022
CV-kurs:
Dersom du ikkje veit kva ein CV er eller korleis du skriv ein CV, så arrangerer vi 2 CV-skrive kurs på Teams. Alle som vil søkje på sommarjobbprosjektet til Eid og Selje Frivilligsentralar/ Gjensidigestiftelsen/ Stad kommune må lage ein CV for å kunne søkje jobb.
Vi tilbyr difor to gratis digitale kurs i å skrive ein god CV.
Målgruppe: Ungdom i Stad kommune mellom 14 og 20 år
Tidspunkt for kursa er:
Måndag 30/5 kl. 17.00 - 18.00 Klikk her for å delta
Tysdag 7/6 kl. 17.00 – 18.00 Klikk her for å delta
Tema vi er innom:
- Kva er ein CV?
- Kva er forskjellen mellom ein jobbsøknad og ein CV?
- Korleis skriv du ein god CV?
- Kva er og gjer ein referanse?
Kurshaldar: Berte Eidsvåg Eldevik, jobbspesialist i NAV Stad
Dette er ein time der du kan lære mykje som du garantert får bruk for!
Del på:
Flere nyheter
-
Treng du hjelp frå prosjekt Juleglede i Stad 2025?
Mange kommunale tenester i Stad registrerer no behov for matkasse, julegledegåvekort (til born under 18 år) og ønskjetregåver (til born under 19 år). Men dersom ingen har spurt din husstand om de treng noko av dette, så kan du fylle ut skjema nedanfor så kan vi hjelpe. Vi kan hjelpe i alle deler av Stad kommune. Dette kan vi bidra med:
-
Nye Eid Frivilligsentral og Stad bibliotek - hovudbiblioteket tek enno meir form. Oppdatering flyttesjau del 3
Vi lova eigentleg ei oppdatering i veke 46, men det er enno betre med ei veke 47 oppdatering. Biblioteket er ferdige med stengeperioden sin (veke 45 og 46), og er no i god drift att. Det er snekra og mala og meir skal det bli. Aktivitetsrommet til Eid Frivilligsentral har "husa" sit første offisielle møte i regi av ein frivillig organisasjon.
-
Det er liv og røre på Eid Frivilligsentral frå føremiddag til kveld - Dette skjer i veke 47
Kvar dag utanom søndag vil det vere aktivitet på Kringla - Eid Frivilligsentral og Møteplassen her i Eidsgata 9. Vi minner om at flytting av aktivitetar til biblioteket i Operahuset Nordfjord ikkje skjer før i 2026. Velkomne til å bli med på superkjekke aktivitetar. I tillegg til dei vi omtaler her, så har frivillige lag og organisasjonar mange kjekke aktivitetar rundt om i heile kommunen.
-
Nye Eid Frivilligsentral og Stad bibliotek - hovudbiblioteket tek form. Oppdatering flyttesjau del 2
Vi er komne til veke 44. Dei to siste vekene har det skjedd utrulig mykje i biblioteklokala i Sophus Lie vegen 3. Mange bøker er kassert, hyllene er flytta saman på fremste delen av lokala. Denne veka er biblioteket stengt tysdag 28/10 og held elles ope til vanlege tider. Mange veggar har allereie skifta farge. Aktivitetsrommet til Eid Frivilligsentral og den nye lesesalen var dei to første romma som vart måla ferdig.