-
Støtt Julegledeprosjekta 2025!
Frivillige og Alti Nordfjord har i mange år samarbeidd om å skape juleglede for lavinntektshushaldningar i kvar ein krok av Stad kommune. Gjennom eit tett samarbeid med mange kommunale avdelingar, når vi ut til alle deler av kommunen både med matkasser, julegåver, gåvekort, og vi sikrar at born i lavinntektshushaldningar får minst ei gåve som dei ønskjer seg til jul. Vi treng mellom 170.000,- og 200.000,- for å få dette til å gå rundt økonomisk. Dersom mage gir litt så klarer vi dette - men vi treng hjelp!
Frivilligpolitisk plattform er vedteken
Torsdag 15. mars vedtok Kommunestyret i Eid Frivilligpolitisk plattform for Eid kommune 2018-2021. Dette er blitt eit kortfatta og lettlest dokument med viktige prinsipp, verdiar, forankringar og tiltak for Eid kommune som tilretteleggar for frivillig arbeid. Det er også blitt eit godt dokument for framtidig samarbeid og samskaping mellom Eid kommune og frivillige.
Torsdag 15. mars vedtok Kommunestyret i Eid Frivilligpolitisk plattform for Eid kommune 2018-2021. Dette er blitt eit kortfatta og lettlest dokument med viktige prinsipp, verdiar, forankringar og tiltak for Eid kommune som tilretteleggar for frivillig arbeid. Det er også blitt eit godt dokument for framtidig samarbeid og samskaping mellom Eid kommune og frivillige.
Ei frivilligpolitisk plattform forpliktar kommunen og gagnar dei frivillige. Når dokumentet gagnar dei frivillige så gagnar det også Eid kommune. Plattforma er også i våre auge eit lite kinderegg.
1. Det handlar om korleis kommunetilsette, politikarar og alle andre skal forstå frivillig arbeid.
Då er det eit grunnprinsipp som gjeld: FRIVILLIG ARBEID LEVER AV LYST OG DØYR AV TVANG.
Vi kan ikkje tvinge frivillige inn i ein aktivitet, dei må velje den sjølv. Lar vi dette vere eit rådande prisipp, vil vi fort oppdage at frivillige sjølve legg lista høgt for kvaliteten på si deltaking/sitt bidrag. Lag/organisasjonar/frivillige er heile tida på tilbodssida.
2. Det handlar om kva kommunen kan gjere for at dei frivillige skal gjere det dei er best på: STYRE SEG SJØLV!
I prosessen fram mot ei ferdig plattform har dei frivillige påpeika 3 hovudutfordringar: ØKONOMI, REKRUTTERING AV MEDLEMMER, PERSONAR SOM VIL TA PÅ SEG TILLITSVERV. Her finnest det verkemiddel som kan setje organisasjonane betre istand til å møte desse utfordringane. Kommunale tilskotsordningar, Tilskotsportalen, Innbyggjartreffet og rekrutteringsportalen frivillig.no er dømer på slike verkemiddel.
3. Sist men ikkje minst handlar det om korleis kommune og frivillige skal møtest på likefot, noko som kan gi grobotn for auka samarbeid, auka samskaping og auka deltaking i demokratiske prosessar (t.d. planprosessar).
Eid Frivilligsentral er uendeleg takksame for at vi no har fått gåva vi ønskte oss i 20 års presang i 2016. Takk til Eid kommune for at de tok steget. Takk til alle frivillige, kommunetilsette og politikarar som har bidrege med innspel i 3 innspelsmøter. Og til sist takk til Frivillighet Norge v/Ida Marie Holmin som igangsetjar av denne prosessen. Det var eit veldig verdifullt bidrag.
Frivilligpolitisk plattform 2018 2021
Del på:
Flere nyheter
-
Treng du hjelp frå prosjekt Juleglede i Stad 2025?
Mange kommunale tenester i Stad registrerer no behov for matkasse, julegledegåvekort (til born under 18 år) og ønskjetregåver (til born under 19 år). Men dersom ingen har spurt din husstand om de treng noko av dette, så kan du fylle ut skjema nedanfor så kan vi hjelpe. Vi kan hjelpe i alle deler av Stad kommune. Dette kan vi bidra med:
-
Nye Eid Frivilligsentral og Stad bibliotek - hovudbiblioteket tek enno meir form. Oppdatering flyttesjau del 3
Vi lova eigentleg ei oppdatering i veke 46, men det er enno betre med ei veke 47 oppdatering. Biblioteket er ferdige med stengeperioden sin (veke 45 og 46), og er no i god drift att. Det er snekra og mala og meir skal det bli. Aktivitetsrommet til Eid Frivilligsentral har "husa" sit første offisielle møte i regi av ein frivillig organisasjon.
-
Det er liv og røre på Eid Frivilligsentral frå føremiddag til kveld - Dette skjer i veke 47
Kvar dag utanom søndag vil det vere aktivitet på Kringla - Eid Frivilligsentral og Møteplassen her i Eidsgata 9. Vi minner om at flytting av aktivitetar til biblioteket i Operahuset Nordfjord ikkje skjer før i 2026. Velkomne til å bli med på superkjekke aktivitetar. I tillegg til dei vi omtaler her, så har frivillige lag og organisasjonar mange kjekke aktivitetar rundt om i heile kommunen.
-
Nye Eid Frivilligsentral og Stad bibliotek - hovudbiblioteket tek form. Oppdatering flyttesjau del 2
Vi er komne til veke 44. Dei to siste vekene har det skjedd utrulig mykje i biblioteklokala i Sophus Lie vegen 3. Mange bøker er kassert, hyllene er flytta saman på fremste delen av lokala. Denne veka er biblioteket stengt tysdag 28/10 og held elles ope til vanlege tider. Mange veggar har allereie skifta farge. Aktivitetsrommet til Eid Frivilligsentral og den nye lesesalen var dei to første romma som vart måla ferdig.