-
BUA Eid
BUA Eid har gratis utlån av utstyr til aktivitet og friluftsliv for privatpersonar, barnehagar, skular, lag, organisasjonar og besøkjande i Stad kommune.BUA står for barn og unge i aktivitet. Hovudmålgruppa er barn og unge, men familiar og vaksne/eldre kan også nytte seg av dette tilbodet. BUA EID har utstyr til både land- og sjøaktivitetar; til overnatting, fjelltur, sykling, padling, leik og moro! BUA EID held til ved LA-bygget på Langeland.
TelefonVenn
Aktiviteten TelefonVenn er for alle som treng ein å snakke med eller vil gi ein annan ein god samtale på telefon. Tilltaket har som mål å motverke einsemd og skape tryggleik i nærmiljøet.Aldersgruppe: For alle
Korleis vere ein TelefonVenn?
Du brukar din eigen telefon og ringer 1-3 personer som ønskjer ein telefonsamtale 1-2 gonger i veka.
Samtalen kan vare 5-20 minutt og går føre seg på ei tid begge er samde om. Samtalen skal primært vere om dagligdagse ting og ha fokus på det gode, det positive og det friske. Du som TelefonVenn er ingen terapeut, sjelesørger eller hjelpar utover å vere god å snakke med. Du har fokus på å lytte, stadfeste og henvise til andre instansar ved behov for meir enn ei god samtale.
TelefonVenn.no – der du bor er ei livssynsopen og inkluderande teneste der ein har respekt for den andre si tru og livssyn. Ta kontakt med Eid Frivilligsentral for å få meir informasjon tlf. 41460042. Du kan også lese meir om TelefonVenn her: https://www.telefonvenn.no/ressurser
Korleis få ein TelefonVenn?
Då tek du kontakt med Eid Frivilligsentral på telefon 41460042, eller på epost: post@eid.frivilligsentral.no
Del på:
Flere aktiviteter
-
Hjelp ein sambygding/Praktisk hjelp
Sit du i karantene eller er du i risikogruppa. Treng du hjelp til mindre praktiske gjeremål utanfor heimen. Då kan du kontakte Frivilligsentralen på nett eller på tlf. 41460042, så skal vi prøve å hjelpe. Eid Frivilligsentral treng også fleire frivillige til å hjelpe til med slike småoppdrag. Bur du i indre deler av Stad kommune (frå Bryggja og austover) så ta kontakt.
-
Internasjonal kafê
Er du ny i Noreg eller har du lyst til å treffe nye folk? Kom til oss! Det vert internasjonal kafe kvar torsdag kl.18.00 – 20.00 på Kringla Eid Frivilligsentral. Kulturell og sosial utveksling. Spel, prat og moro. Alle er velkomne!
-
Middagskøyring
9 mil kvar dag 365 dagar i året, bringer denne gjengen varm middag ut til abonnentar.
-
Nattevandrer 2024/2025
Nattevandrarane på Nordfjordeid er eit Stopp Volden-prosjekt. Edru vaksne i alle aldrar bruker 3 timar så mange kveldar ein sjølv ønskjer for å vere tilgjengeleg for ungdom som held seg i sentrum og omegn på kvelden/natta. Det er ein kjekk og sosial tur i lag med andre vaksne i Nordfjordeid sentrum. De vert kjende med ungsomsmiljøet på Nordfjordeid. Det er trygt for ungdomane å vite at Nattevandrarane er ute. De ferdast der ungdomane er og de er ute for at dei skal føle seg trygge. Trykk på hjerte på den/dei dato(ane) du vil gå, og du har meldt deg til vakt.