-
BUA Eid
BUA Eid har gratis utlån av utstyr til aktivitet og friluftsliv for privatpersonar, barnehagar, skular, lag, organisasjonar og besøkjande i Stad kommune.BUA står for barn og unge i aktivitet. Hovudmålgruppa er barn og unge, men familiar og vaksne/eldre kan også nytte seg av dette tilbodet. BUA EID har utstyr til både land- og sjøaktivitetar; til overnatting, fjelltur, sykling, padling, leik og moro! BUA EID held til ved LA-bygget på Langeland.
Sterk og stødig - treningsgruppe
Treng du å trene balanse og styrke? - Bli med på treningsgruppe for seniorar "Sterk og stødig" er grupper med balanse- og styrketrening tilpassa seniorar, og er for deg som er over 65 år og heimebuande. Du må vere i stand til å gå utan hjelpemiddel innandørs, men kan erfare endring i bevegelsesfunksjon og vere ustø i enkelte situasjonar. Er du usikker på om du er i målgruppa? - Kontakt fysio- og ergoterapitenesta i Stad kommune. ( Tlf.: 578 85 800) Sjå meir info og kontaktperson:Gruppetreningar:
- Nordfjordeid, Eidsgata 9, tysdagar kl. 10:00-11:00 og 11:30-12:30
kontaktperson Irene Wedvik tlf. 908 78 867 og Bodil Sønderland tlf. 913 07 530 - Holmøyane, Vonlund, torsdagar kl 13:00 - kontaktperson Reidar Holmøy tlf. 915 83 598
- Selje, Flatabø bufelleskap, tysdagar kl. 11:00 - kontaktperson Magny Myklebust tlf. 917 21 651
- Stadlandet, Fredly bufelleskap, torsdagar kl 11:00 - kontaktperson Sylvi Olsen tlf: 901 37 327
- Barmen, Grandahuset, måndagar kl 16:00 - kontaktperson Wenche Rye Pedersen tlf: 918 26 419
Del på:
Flere aktiviteter
-
Hjelp ein sambygding/Praktisk hjelp
Sit du i karantene eller er du i risikogruppa. Treng du hjelp til mindre praktiske gjeremål utanfor heimen. Då kan du kontakte Frivilligsentralen på nett eller på tlf. 41460042, så skal vi prøve å hjelpe. Eid Frivilligsentral treng også fleire frivillige til å hjelpe til med slike småoppdrag. Bur du i indre deler av Stad kommune (frå Bryggja og austover) så ta kontakt.
-
Internasjonal kafê
Er du ny i Noreg eller har du lyst til å treffe nye folk? Kom til oss! Det vert internasjonal kafe kvar torsdag kl.18.00 – 20.00 på Kringla Eid Frivilligsentral. Kulturell og sosial utveksling. Spel, prat og moro. Alle er velkomne!
-
Middagskøyring
9 mil kvar dag 365 dagar i året, bringer denne gjengen varm middag ut til abonnentar.
-
Nattevandrer 2024/2025
Nattevandrarane på Nordfjordeid er eit Stopp Volden-prosjekt. Edru vaksne i alle aldrar bruker 3 timar så mange kveldar ein sjølv ønskjer for å vere tilgjengeleg for ungdom som held seg i sentrum og omegn på kvelden/natta. Det er ein kjekk og sosial tur i lag med andre vaksne i Nordfjordeid sentrum. De vert kjende med ungsomsmiljøet på Nordfjordeid. Det er trygt for ungdomane å vite at Nattevandrarane er ute. De ferdast der ungdomane er og de er ute for at dei skal føle seg trygge. Trykk på hjerte på den/dei dato(ane) du vil gå, og du har meldt deg til vakt.